I ti år har vi hatt vår Airbnb i kjellaretasjen, nokre veker kvar sommar litt etter som det har passa for oss. Det har blitt mange fine møte med folk frå heile verda. Vi er alltid tilgjengelege for våre gjester, og vi har berre positive erfaringar med dei. Det slår meg kor greie folk flest er, kor ærlege og høflege dei er også. Ikkje ein ting er blitt borte desse åra, sjølv om leilegheita er full av ulike saker, store som små. Og sjølvsagt har det hendt at det har vore rare spørsmål om ting som er sjølvsagde for oss, og av og til treng dei hjelp til å finna fram eller anna, men då er det jo ekstra fint at vi er her. Nokre episodar er blitt til gode historier vi kan ta med oss vidare, krydder i livet.