Medieverda er i sterk endring. Ei uro har meldt seg i etablerte maktkrinsar. Redaktørstyrte massemedium vert utfordra som informasjons- og kunnskapskjelde. Det dreiar seg om ikkje noko mindre enn kontroll med den mediale infrastrukturen – faren for at dei tradisjonelle massemedia misser hegemoniet i å «lage folkemeining», for å bruke ein enkel term om opinionsdanning, alternativt: indoktrinering, manipulering eller hjernevasking.