Habla me en cristiano! «Snakk kristent til meg!» Irantzu, ein språkvitarkollega i Baskarland, fortalde meg at då ho var ungdom, kunne ho framleis få dette til svar om ho starta ein samtale med nokon på morsmålet sitt, baskisk. Irantzu er fødd i 1975. Det året døydde Franco, og nesten 40 år med militærdiktatur var over i Spania. Undertrykkinga i perioden var total, også den språklege. I alle offentlege samanhengar var kastiljansk, altså spansk, det einaste tillatne språket.