Det brukte å vere kutyme at ein kunstnar ikkje svara på kritikk. Men i Danmark har det, på tvers av kunstartane, skjedd eit oppbrot frå denne tradisjonen. Førre veke var det musikkbransjen sin tur, då musikaren Saint Clara skreiv i ein story på Instagram at mannlege kritikarar gav henne «litt incel vibes». Incel er eit forkorting for «involuntary celibacy» og konnoterer som regel kvinnehat. Songarinna betakka seg for framtidige konsertmeldingar og langa særleg ut mot Soundvenue og Gaffa.