Det er fleire grunnar til at Melkøya-utbygginga må stansast. Prosjektet er forventa å gi nye globale klimautslepp på til saman 152,1 millionar tonn CO2. Det opplyste Olje- og energidepartementet i ein rapport i 2023, samtidig som statsminister Støre presenterte Melkøya-vedtaket. På Melkøya ligg Noregs einaste fullskala anlegg for kraftkrevjande produksjon av flytande gass (LNG). Ifølgje departementet er utbygginga forventa å yte 55,1 milliard standard kubikkmeter salsgass i alt, tilsvarande eit nytt, mellomstort gassfelt på sokkelen. Gass frå Snøhvitfeltet skal gjerast flytande på Melkøya og skipast til kontinentet for brenning. FNs klimapanel har åtvara: Kvart tonn CO2 som blir slept ut, er med å auke den globale oppvarminga.