Brit Salbu meiner eg har levert ein skivebom i min kronikk 24. mars fordi eg kjem med kritikk av det ho ikkje skreiv. Eg er difor nøydd til å gjenta det eg skreiv i innleiinga, nemleg at hennar kronikk ber preg av utelatingar som ikkje kan stå uimotsagde, og at fokusering på tryggleik i moderne reaktorar er ei avsporing av debatten fordi problema ligg andre stadar. Å utelata høgst relevante fakta i saka slik Salbu gjer, krev eit motsvar, og det burde ikkje forbausa nokon.