Rett som det regnar, kjem det ei skur. Dette noko resignerte munnhellet er velkjent i mange strok av furet værbitt. Å prata om vêret er faktisk ikkje særnorsk, men ein kan vel seia at det utgjer ein iaugefallande krusedull i det nasjonale sjølvbiletet. Eit gjennomgangstema når praten går, er at det er feil ver. Ikkje akkurat i eksistensiell eller atmosfærisk forstand, men det er ikkje det vêret som var meldt. Dermed får meteorologane det glatte lag, anten dei har stått fram på skjermen eller digitalisert spådommen på Yr.