Sjølv om dei prøver å halda maska, håper og trur eg at alarmen har gått nå. Det utanrikspolitiske etablissementet, med Ap og Høgre i spissen, har i alle år forsikra oss om at USA er vår nærmaste allierte. Dei har insistert på at me har eit verdifellesskap mellom europeiske land og USA, der vestlege land forsvarer demokrati fordi det er ein del av kven me djupast sett er. Og dei har innretta heile sikkerheita vår på ei usvikeleg tru på sikkerheitsgarantien frå USA; at USA alltid vil stilla opp for oss. Nåde den som stilte spørsmål ved den garantien.