Då eg såg ut på stjernehimmelen ei natt førre veke her i Trondheim, vart eg var eit spesielt sterkt, stjerneliknande ljos høgt på himmelen mot nord. Medan eg lurte på kva slag himmellekam dette kunne vera, såg eg at det flytta seg rykkvis rundt på eit lite område på himmelen, med eit ljos med varierande styrke som blei reflektert i den tunne disa med ulik tjukkleik der det rørde på seg. I den rykkvise rørsla såg det ut som om det søkte med søkeljos etter eitkvart.