I Klassekampen 20. desember kan me lesa at Norge kjem på andreplass på den europeiske lista over konsum per innbyggar i 2023, berre slått av Luxembourg. Ifølge SSB ligg konsumet vårt 24 prosent over gjennomsnittet blant dei 27 EU-landa. Konklusjonen er at me har eit forbruk som ligg langt over dei fleste land i verda. Trass i dette dreier den politiske debatten seg om kjøpekraft, dyr mat og høge straumprisar. At me har ei raus straumstøtteordning, blir sjeldan nemnt.