For nokre helgar sidan overnatta sonen min og eg i Kristiansand dyrepark, der han skulle spele fotballcup. I bagen med leggskinn og drikkeflasker hadde eg også pakka ei bok: ei diktsamling vigd til raudlista flora og fauna. Kvar kveld eg kom inn igjen i safaricamp-teltet, etter lange dagar med juniorspelarar og andre ville dyr, stira eit stort, gult snøugleauge mot meg frå omslaget.