Du kan bla til neste sideBla med piltastene

To heilt ulike bøker om transpersonar i samfunnet har overraskande mange fellestrekk. Det heng saman med diskusjonsklimaet dei er blitt til i.

Overvelda av smerte

AnmeldelseStephen J. Walton
Kjønnsstengslar: Luca Dahlen Espseth og Anne Kalvig står på kvar si side av ein uforsonleg transdebatt. Begge bøker er skrivne ut frå ei intenst opplevd smerte. Illustrasjon: Knut Løvås

Me er inne i ein periode med tiltakande skepsis til nokre av dei kjønnspolitiske reformene dei siste åra. Folk som i utgangspunktet er skeptiske til kjønnsskifte, nye pronomen, og kjønnsnøytrale fasilitetar av ymse slag, vil finne god næring for synspunkta sine i Anne Kalvigs bok «Kjønnstru. Kampen om røynda». Boka kom ut på eige forlag i 2023, og er no inne i sitt andre opplag, noko som tyder på at ho har klart å selje ein del. I så fall vil det ikkje overraske meg.