Ei vaksen kjærleikshistorie er ramma for Viggo Mortensens ferske, revisjonistiske western «Til verdens ende». Hovudhandlinga er sett til det harde, karrige Nevada i åra før under og etter den amerikanske borgarkrigen (1861–65), men både den lagnadstunge historiske referansen og filmens sjangerundergravande bruk av ikoniske westernkonvensjonar, peikar fram mot dagsaktuelle, amerikanske konfliktar.