Karl Ove Knausgård var den store stjerna under Bergen litteraturfestival i helga. Alle programpostane med han selde kjapt ut. Jamvel det å sitje i eit anna rom og sjå han på skjerm selde ut billettane. Ei vandring gjennom Bergen og «Min Kamp. Femte bok» var utseld før eg fekk med meg at det skulle vere, men heldigvis greidde eg for eit par år sidan å snike meg inn på ei slik vandring som var halde for studentar på universitetet som tok eit kurs om røyndomslitteratur, som var ei litt råare utgåve enn den litteraturfestivalen gjennomførte. Her kjem forteljinga om den vandringa i tre delar.