19. juni i år leverte embetsmannsutvalet ein NOU med tittelen «Embetsordningen – i takt med tiden». I det store og heile eit framifrå utgreiingsarbeid, ser det ut til for ein lekmann. Ei av oppgåvene til utvalet var å skifta ut embetsmann med ein meir kjønnsnøytral tittel. Det viste seg å vera vanskeleg å skifta ut heile ordet embetsmann med noko anna, mellom anna fordi ordet embete er eit semantisk såpestykke. Det kan definerast sirkulært som stillingar med embetsmenn i. Utvalet måtte nøya seg med å skifta ut mann.