Vi seier våpenkvile no, med lygekors bak ryggen. Vi seier ro dykk ned, ver så god her er fleire våpen. Vi seier dette er alvorleg, kvar skal denne millionen inn på konto? Vi seier born vil ikkje døy i bomberegn, dei vil sjå danseshow med glitter og fengjande musikk og sjå her er invitasjonen. Er verdspolitikken blitt ein rubiks kube og eg blitt fargeblind? Hysj, dersom vi er musestille kan vi kanskje vinne stilleleiken og knappenål og Eurovision Song Contest. Vi kjempar mot dei mektigaste. Vi kjemper med dei mektigaste. Vi kjempar, og dei med pengar, våpen, definisjonsmakt, det er dei som er mektigast som vinn.