Michael Stilson og Sven Bisgaard Sundet starta denne veka på eit ganske omfattande prosjekt. Dei skal logge seg av skjermbruk i eitt år. Samstundes lagar dei ein fjernsynsserie og vert testa og målt av forskarar på NTNU. I ein episode av NRK-programmet «Etikketaten» sa dei at dei spolar ikkje tida tilbake til steinalderen. Dei skal berre tilbake til 2005. Dei to forsøkskaninane er hakket eldre enn meg, men ikkje mykje, så vi deler ein del av dei same referansane. Eg er ikkje framand for nostalgi. Eg har mimra tilbake mine gongar. Og det vert gjerne tilbake til rundt 2005. Då var alt så utruleg mykje enklare.