Oda Valle debuterer som forfattar med «Esters Univers», ein teikneserie­roman for barn frå ni år. Valle er illustratør, teikneserieskapar og kunstnar med fleire samarbeid bak seg – dei av oss som har hygga seg med ei flaske øl frå Kinn Bryggeri kjenner til dømes arbeidet hennar frå etikettane på flaskene. No gjev ho altså ut barnebok med undertittelen «Bonusbror og marsvintrøbbel».