Venninna mi fortel at den einaste forskjellen ho opplever på å nærme seg 30 år er at ho har meir pengar på konto. Eg ser nedover min eigen kropp. På mystisk vis vakna eg ein dag og feittet mitt hadde samla seg mot kroppens innbilte midtpunkt: livmora. Tyngdekraft? Litt glad ikkje alt ligg kring anklane mine. Eg knaskar p-piller som popkorn før filmen startar på kino, men vi er kanskje ikkje einege, kroppen min og eg. Kvar månad skulle den helst ha gjort seg klar for befruktning og klokka tikkar. Eg et p-piller som ticktack og slumrar alarmen igjen. Eg misunner mennene i mitt liv med lengre avgjerdstid. Mindre fettansamling kring reproduksjonsorganet.