Det er sommar og du ryddar og vatnar plantane heime før du skal møte nokon venner i Oslo sentrum. Tek på deg øyreklokkene og opnar Spotify. I dag har det nye albumet til din favoritt, Nick Drake, kome ut. Den myteomspunne britiske artisten som døydde i 1974, 26 år gamal. Familien hans har godtatt at AI får lage eit heilt nytt album, basert på all tilgjengeleg data og opptak som finst av Nick. Du trykker på «play». Femten minutt seinare er du synleg raud i kinna. Dette albumet betre enn «dei ekte» albuma, tenkjer du.