Norske musikarar er engstelege for kva kunstig intelligens (KI) vil bety for deira kunstnariske virke og levebrød. Det er ikkje rart. Dei siste vekene har fenomenet «Deepfake Drake» skapt internasjonal debatt. Det vi må tru er Drake-fans har – utan å gje seg til kjenne eller be om lov – brukt opptak av den kanadiske rapparen for å laga ein ny «Drake-låt», som så vart lagt ut på nettet. Det er altså ikkje snakk om sampling av Drake, men at røysta hans er brukt til å «modellera» rappinga til ein annan musikar, slik at denne NN høyrest ut som Drake. Det var likt nok til å skjerpa debatten om KI som trugsmål mot autentisitet og opphavsrett.