... at Ingvild Rishøi arrangerer litterær stikling-auksjon for andre år på rad! Då kallar vi det ein litterær stikling-tradisjon. I fjor kunne høgstbydande få med seg Herbjørg Wassmos valmue eller Zeshan Shakars kinesiske pengeplante heim. Rishøi lova den gong at Jan Kjærstads praktspragle og ei bjørk frå Lars Mytting skulle auksjonerast bort i år, og sanneleg held ho ord – med furu og tyttebærlyng frå Mytting attpåtil! Auksjonen føregår på Sagene Bokhandel, og særleg spenning knyter det seg til Erlend Loes plantebidrag, som står oppført som "Liten raring".