Å rydda har vore tema for ein god del sjølvhjelpsbøker dei siste åra. Slik hjelp og slike råd skal du dessverre, eller heldigvis, ikkje få av meg, for eg er ein notorisk rotekopp. Alt som er definert som mitt område, endar opp som eit kaos av uventa kombinasjonar etter kort tid. Asterix-hefte ligg oppå Bibelen. Tomme blekkpatroner til skrivaren samtalar med «Melankoliens anatomi», og skrutrekkjarar og partituret til «Lyssmeden» har fått selskap av tryllesett, farsdagskort og ukulelestrengar.