Det var gråvêr og småregn og attpå til var det ei kald sno denne sumardagen. Medan eg dugurda hadde det ringt frå ei stor hyttegrend i grannedalen. Det var ei dame som hadde vore på fjellriding, og so hadde hesten hennar rivi laus eine framskoen, og ikkje berre laus, han var krøkt til det ubrukelege og sat likevel fast på eine sida. Dama hadde teke tidi til hjelp og kome seg ned til bilvegen med hesten sin. Det var dotter hennar som henta meg og køyrde meg dit.