Filmdystopiar finst det nærast røyndomsfornektande få av i oljenasjonen Noreg. Produsentar og publikum liker betre å samla seg om tilbakeskodande krigsherosime enn å speida mot alt som kan splitta oss når nye kriser står for døra. Men serieskapar Thomas Seeberg Torjussen sym som vanleg mot straumen. Etter å ha mana fram ei urovekkjande sjølvsentrert tidsånd i kult-familiedramaet «Koselig med peis», og eksperimentert med skoledramaet i fantasyserien «ZombieLars», miksar han no sosialt engasjert sciencefiction med «Romeo og Julie» i «Kuppel 16», også den produsert for NRK.