Ein sommardag i juli 1981 hadde den ærverdige britiske kommunistavisa Morning Star eit tocentimeters oppslag under overskrifta «Traffic chaos in Central London». Eg hugsar artikkelen nokså ordrett. «I går stod i trafikken stille i dei sentrale bydelane i London da Charles Windsor gifta seg med Diana Spencer». Meir skreiv dei ikkje om den saka. Morning Star finst framleis, men er ei tynn blekke med dårleg økonomi. Eg veit ikkje kva morrastjerna fekk ut av dronninggravferda, «Air-Quality Improves in Central London as 96-Year Old Woman Buried», kanskje.

Feministane Wencke Mühleisen, Asta Beate Håland, Stephen Walton og Anne Bitsch skriv i Klassekampen måndagar.