Serieskapartrioen Agdestein, Skandfer og Kabíček har fått mykje ros sidan det første albumet om den topphemmelege organisasjonen Avsnitt For Mellemliggende Anliggender (AFMA). Dei spelar sjølvsikkert ut 1960-talet i fransk-belgisk stil, og nostalgi for begge deler står sterkt her i landet. Presisjonsnivået har vore skyhøgt heile tida: For serieskaparane er det viktigare at alle detaljar blir rette enn at albuma skal kome fort ut. Når dei no gir ut den nye forteljinga i to delar, er det godt dei forsikrar om at neste og siste del av historia alt er i produksjon.