Musea skal levere på mange områder, også rekruttering til handverk, musikk og dans. Det står det i tildelingsbrevet frå Kulturdepartementet. Mange gjer mykje, men på dei fleste museum skjer det lite. Sjølv om musea syner fram folkemusikken og -dansen på utstillingsopningar og hyggelege tilstellingar, er haldninga i musea – og elles i kulturlivet – at «denne kulturen klarar seg sjølv». Er det greitt at staten og kulturlivet tek så lett på det?