TIL HAUSTEN: Høge straumprisar gjer at folk allereie er i gang med å planleggje innkjøpet av ved for neste sesong. No spår ein leverandør vedmangel i haust. – Vi merkar no at folk er urolege, mange har teke kontakt i mai/juni/juli om kjøp av ved. Det har vi aldri hatt noko særleg av før. Derfor har vi no også opna for bestillingar for hausten. Vanlegvis har vi starta dette i august. Det kjem bestillingar kvar dag no, fortel Øystein Skjesol, dagleg leiar i Norsk Vedsentral til Nationen. Norsk Vedsentral leverer ved til privatpersonar. Skeisol spår at importmarknaden vil kollapse til hausten, og trur ikkje at auka norsk produksjon vil dekkje etterspurnaden.©NPK
Du kan bla til neste sideBla med piltastene
Meiner Noreg gjer ein god nok jobb
Flyktningar
HJELP: Frivillige ber staten om å ta meir ansvar for ukrainske flyktningar på flukt. «Norge stiller opp» svarer statssekretær i justisdepartementet, Hans-Petter Aasen.
I Klassekampen 14. juli gjekk frivillige ut mot staten og bad dei ta ein større del av ansvaret for å hjelpe ukrainske flyktningar som vil til Noreg. Dette skjer etter at det i juni kom fram at regjeringa reduserte talet på ukrainske flyktningar dei vil hente frå nabolandet Moldova, frå 2500 til 500.
