Bartenderyrket er eit skittent og tungt yrke. Ein står opp til mystiske tider, legg seg til enda meir mystiske tider, og har som einaste verkelege frynsegode rikeleg og lett tilgang på eit ekstremt vanedannande rusmiddel. I tillegg er det ekstremt dårleg organisert og prega av sterk overetablering: driftsmarginane på dei fleste utestader er syltynne, og barar og restaurantar går inn heile tida. Alt dette, saman med unge og urøynde arbeidarar som ofte går i deltid, gjer barbransjen til eit rottereir av ulovleg overtid, lønstjuveri og fusk med vaktlister.