Om å falle og reise seg att.
I ei tid der den eine politikaren etter den andre fell ned frå taburettane sine, har eg tenkt mykje på det å falle. Det er jo mange som kan falle, uansett om dei har offentlege verv eller ikkje. Falle utpå, falle utfor. Og det er mange som reiser seg att også. I 1980 gav diktaren Marie Takvam ut boka «Falle og reise seg att», der diktet «Reise seg» har gitt tittel til boka.
Det er på høg tid å snakke om det verkelege Nato.
Mange meiner framleis at Nato er ein forsvarsorganisasjon. Dei som går til dei mest hatske åtaka på Rødts Nato-nei, tar utgangspunkt i ordlyden i Nato-pakta som tolv land underteikna i 1949. Dei veit kanskje ikkje at statsleiarane i medlemslanda 60 år seinare fatta vedtak som gir Nato «rett» til å starte krig kor som helst. Dei vedtok eit nytt strategidokument. Avsnitt 1 seier når og kor: «Under toppmøtet i Washington i april 1999 vedtok Natos stats- og regjeringssjefer alliansens nye strategiske konsept.» Vi kan ikkje diskutere om Nato er bra for Norge utan å ta dette dokumentet inn i ordskiftet.
