STAYIN’ ALIVE: Mange veit ikkje korleis dei skal behandle sår- og brannskadar, ifølgje ei ny undersøking. Røde Kors-president Thor Inge Sveinsvoll er bekymra. Han håpar mange vil melde seg på digitale førstehjelpskurs som dei arrangerer i mai. I undersøkinga kjem det fram at ein stor del av dei spurde er utrygge på å utføre førstehjelp, også på den typen skader som ofte skjer i heimen. Og sjølv om mange svarer at dei i ei viss grad tør å gi førstehjelp, viser undersøkinga at éin av fem ikkje tør å gi førstehjelp i det heile. I fjor skjedde det cirka 124.000 ulykker som medførte personskade i Noreg – og dei fleste ulykkene skjer i eller utanfor bustad. ©NPK