UKLÅRT: På landsmøtet til Høgre i helga vart motstandarar og tilhengarar av elektrifisering av norsk sokkel samde om eit kompromiss, men dei er framleis ikkje samde om kva det betyr.

Elektrifisering av norsk sokkel med straum frå land var ei av stridssakene på Høgre sitt landsmøte, og det enda med eit vedtak som dei ulike fløyene kunne stille seg bak. Stortingsrepresentant frå Rogaland Sveinung Stensland meiner at politikk til Høgre no er flytta tydeleg i retning av ein skepsis mot elektrifisering av norsk sokkel med straum frå land.