I eit sterkt innlegg i Dagsavisen 15. februar i år krev Caroline Nerdal og Veslemøy Krey Stubberud frå organisasjonen Nevromangfold Norge at det skal bli forbode å gje personar med autisme «konverteringsterapi». Eg set «konverteringsterapi» i hermeteikn sjølv om dei ikkje gjer det, og sjølv om eg forstår kva dei meiner med å kalle behandlingsopplegg som EIBI for dette – EIBI står for Early Intensive Behavioral Intervention, og det er retta mot barn mellom null og seks år.