Med boka «Svolt i Norden» fører Olav Randen oss attende til krisetider med matmangel. Han ser ut frå perspektivet og den harde lagnaden til småkårs- og fattigfolk, og vi blir minna om at «inga lenke er sterkare enn det svakaste leddet». Historia er ofte skriven av og om dei som ikkje erfarte kva svolt gjorde med folk. Blikket nedanfrå gjev oss nye erkjenningar omkring mattryggleik og nasjonal beredskap. «Svoltperiodar har alltid fått fram både det beste og verste i menneskenaturen», skriv Randen.