BEMANNING: Professor Gunnar Bovim skal leie den nye helsepersonellkommisjonen til regjeringa. Kommisjonen skal vurdere behova for personell og kompetanse fram mot 2040. – Kommisjonen er høgaktuell som eit svar på det behovet vi har sett forsterka sidan pandemien starta når det gjeld fleire fagfolk, bemanning av helsetenesta i framtida og betre oppgåvedeling mellom profesjonane, seier helse- og omsorgsminister Ingvild Kjerkol (Ap). Kommisjonens hovudoppgåve blir derfor å skaffe eit kunnskapsgrunnlag og foreslå tiltak for å utdanne, rekruttere og behalde kvalifisert personell i helse- og omsorgstenesta, heiter det i ei pressemelding. ©NPK
Du kan bla til neste sideBla med piltastene
Gåver
Dagboka
- Jula er ei tid på året der det blir tydeleg at det er skilnad på folk i norsk arbeidsliv, og gårsdagen var ein merkedag i så måte: Det var fredagen då mange verksemder deler ut julegåver til sine tilsette. I mange familiar arbeider far i privat sektor, og i går kom han kanskje heim med røykelaks, juleskinke og håndskrive julekort frå sjefen. Mor, derimot, arbeider kanskje i det offentlege og fekk dermed ein pose twist på deling saman med kollegaene på pauserommet og ein beskjed om at julebordet er avlyst på grunn av økonomiske omsyn og/eller korona. Er ho ekstra heldig, fekk ho ei lue av ull, som er det Helse Midt-Norge ifølgje Aftenposten gir til sine tilsette i år. Ikkje så originalt kanskje, sidan dei tilsette i helseføretaket også i fjor fekk ei ullue med logo til jul.
