Mekanismane som førte til finanskrisa i 2006–2010 er grundig dokumentert og analysert. Kortast mogleg sagt: Med USA som pioner skjedde det etter år 2000 ein enorm vekst i privat gjeld og spekulativ handel med privat gjeld, blant anna med bruk av CDO-ar («collateralized debt obligations»). Etter Lehman Brothers’ samanbrot i september 2008 kollapsa heile den internasjonale finanspyramiden. Med store kostnader som gav seg utslag i sterkt auka offentleg gjeld, måtte statane gripe inn for å redde finanskapitalen og det internasjonale finanssystemet. I neste omgang vart statsgjelda lempa over på befolkningane gjennom regressiv skatteauke og innstramming av dei offentlege velferdsbudsjetta.

Økonomane Morten Jerven, Erik S. Reinert, Maria Walberg, Rune Skarstein, Chr. Anton Smedshaug og Ole Kvadsheim skriv onsdagar i Klassekampen.