HELSE: Eit legemiddel omtalt som den dyraste medisinen i verda, skal takast i bruk i Noreg for å behandle pasientar med spinal muskelatrofi (SMA). Onasemnogene abeparvovec (Zolgensma) er ei form for genterapi, og pasienten får berre éin dose. Han er til gjengjeld svært dyr. No skal norske pasientar få tilbod om denne dosen gjennom det offentlege helsevesenet, bestemde Avgjerdsforum i går, fortel Dagens Medisin. Behandlinga skal gjennomførast ved Oslo universitetssjukehus. Avtalen er resultatbasert, slik at betalinga blir knytt til kva slags effekt ho har på pasienten. Dette er heilt nytt i Noreg. Detaljane i avtalen, inkludert prisen på legemiddelet, er ikkje kjende.©NPK
Du kan bla til neste sideBla med piltastene
Advent
Dagboka
- Til helga er det halloween, ei slags oppvarming til handelsstandens favoritthøgtid jul. Og med førjulstida kjem alle dei årlege War on Christmas-debattane som vi har importert frå Amerika. Ein oppkonstruert konflikt der kulturkrigarar på internett tek på seg rustninga og går til kamp for Den Einaste Rette Måten å Feire Jul på. Som om nordmenn ikkje alltid har feira på ulikt vis: Nokre med gris, andre med sau. Nokre med stjerne i toppen av treet, andre med spir. Nokre med salmar, andre med Hans Rotmos «Vårres jul».
