Det hadde vore fleire dagar med godt høyvêr, og kjæringi og eg, me hadde bakketurka den lange ekra ovanfyre gamlestugo og stolphuset. Ho er smal og bratt og er uhøveleg for traktordrift. Eg spende hesten Balder for høyvogni og sette vogni i gardsromet ved steinmuren upp mot ekra, og Balder sette eg inn med selen på til so lengje. So var det berre å bera fôret dei fåe stegi ned på muren og velte det derifrå og ut i vogni.