I Klassekampen 4. august skreiv Chr. Anton Smedshaug om at styresmaktene bør skrote planane om ein Nord-Noregbane til fordel for ei satsing på godstransport over sjø, Riksveg 1. Eit hovudpremiss for Smedshaug er at Nord-Noregbanen kjem til å vera urimeleg dyr, men han forklarar ikkje kvifor det er urimeleg å nytte 100 milliardar på om lag 370 kilometer toppmoderne jernbane, til ein del av landet som lid under manglande infrastruktur.