Kjære Sp: De må berre halda fram med å så tvil om kva side de vil samarbeida med etter valet. De må berre peika på fiendar på venstresida som de slettes ikkje vil vera på lag med. Og de må gjerne føra ein valkamp som svekkjer truverd og tillit, skapar tvil og gjer veljarane usikre. Alt dette er ingrediensar i ei sikker oppskrift for å la regjeringa Solberg halda fram etter 13. september. Men – då må de og vera klare til å ta på dykk ansvaret for at me kan få ei regjering som held fram med politikk for auka ulikskap, meir sentralisering, tettare samarbeid med EU, svekka folkestyre, auka privatisering og så vidare. Det er inga skam å snu, Vedum – og hugs: det er for seint å snyta seg når nasa er borte.