I Klassekampen laurdag 10. april problematiserer tidlegare leiar Tor Langbach i Domstoladministrasjonen noko han kallar «det rettsmedisinske problemet» – det finst ikkje noko samla, sentralt ansvar for rettsmedisinsk kompetanse og prosedyre. I kronikken nyttar Langbach døme på kor gale det kan gå om kompetansen hjå sakkunnige ikkje er god nok, eller om systemet med vurderingar av rettsmedisinske erklæringar ikkje fungerer. Det handlar om feil og manglar som er eigna til å produsera justismord.