HANDEL: Stans i grensehandelen gav 8,6 milliardar kroner i auka omsetning i daglegvarebransjen i fjor, ifølgje Virke som fryktar oppseiingar når grensa blir opna. Den auka omsetninga gjeld drikke, kjøtt, snacks og tobakk og er fordelt med 5,8 milliardar kroner til daglegvarebutikkar og 2,8 milliardar til Vinmonopolet, ifølgje rapporten Menon Economics har utarbeidd for Virke. Bortfallet av grensehandel ville skapt 8200 nye arbeidsplassar i daglegvarebransjen og Vinmonopolet. I tillegg kjem omsetnings- og sysselsetjingsvekst i andre bransjar, og totalt ville det vorte skapt over 10.000 arbeidsplassar, blir det konkluderte i rapporten.©NPK