ØKONOMI: Senterpartiet meiner reiseliv og restaurantar bør få redusert meirverdiavgift i heile 2021. Halvering av reiselivsmomsen til 6 prosent ut året og ein reduksjon av momsen for å ete på restaurant frå 25 til 15 prosent. – Vi har valt å sjå på avgifter fordi det går direkte på botnlinja, seier Geir Pollestad (Sp), som er leiar for næringskomiteen på Stortinget. I spørjetimen i Stortinget i går pressa Pollestad næringsminister Iselin Nybø (V) på spørsmålet. Han viste til at Venstre i sitt eige partiprogram går inn for redusert moms når ein et på restaurant. Men det må skiljast mellom krisetiltak og varige tiltak, åtvara Nybø.©NPK