Endeleg kan det sjå ut til at vi B-menneske kan få ei viss oppreising. I årevis har vi slite med å få full aksept. Framleis rår haldningar som gir ekstrapoeng til dei som sprett opp før klokka ringjer, og som rekk både morgon-tv og grundig avislesing før ein annan stakkar kjem seg ut av køya. Og sant å seia har vi vel også vore litt misunnelege på desse som ser ut til aldri å ha problem med å komma til rett tid og vel budd til arbeidsdagen startar, medan ein sjølv kan bli nøydd til å avstå frå morgonkaffien for å komma på jobb til rett tid.