Eg kan ikkje hugse fyrste gong eg høyrde spelet til Hauk Buen. Musikken hans har alltid vore der. Måndag i forrige veke la han ned bogen etter ei tid med sjukdom. Hauk Buen blei født i 1933 i Jondalen i Buskerud. Far Anders var gardbrukar, oppfinnar og spelemann, medan mor Margit Tjønn frå Tuddal i Telemark var kvedar, og slik fekk han musikken med seg heilt frå vogga. Han var eldst av fem sysken, med blant andre Agnes Buen Garnås og Knut Buen i syskenflokken. Dei første tonane på fela lærde han av tanta Bergit Tjønn, fortalde han meg ein gong eg var på slektsgarden Buen for å gjere eit intervju med han.
