Sakprosa er ein sjanger i sterk vekst, og blir stadig viktigare for forståinga og utviklinga av samfunnet. Sakprosabøker gjer grundig faktaformidling tilgjengeleg i ei tid der falske nyheiter og raske skifte dominerer. Innkjøpsordninga for sakprosa for vaksne har eit avgrensa budsjett og er uføreseieleg for både forfattarar, forlag og bibliotek. Mange sakprosabøker er dermed ikkje å finne i biblioteka, trass høg kvalitet og relevans. Lesarane og det norske samfunnet går glipp av den verdien desse bøkene hadde tilført om dei var tilgjengelege for alle over heile landet.