Det er haust. Eg skulle ha plukka plommer i Hardanger, men det er ingen plommer dette året. Våren vart for kald for humler og bier då blomane var der. Det blir også ein dårleg eplehaust då epla vart angripne av rognebærmøll. Lite rognebær, slik det er i år, aukar faren for at møllen går til angrep på epla. Den mangelfulle plommehausten er berre litt trist for oss, men det er eit stort og alvorleg problem for fruktbøndene som skal leva av det.