ØKONOMI: Forventningane var store til lønnsoppgjeret i år, men så kom koronaen. No ryk truleg lokale forhandlingar i offentleg sektor, og ingen grupper får ekstra løft. Det er oppsummeringa Fagforbundets leiar Mette Nord legg fram før stat og kommune tek fatt på oppgjeret denne veka. Men oppgjeret i år er eit hovudoppgjer, og det gir moglegheit til å forhandle om andre forhold enn lønn. Nord peiker ut kampen for heiltidsstillingar. – Vi har jobba med heiltidskultur i mange år, men det går så inderleg treigt, seier ho. Forbundsleiaren viser til at sju av ti av dei som jobbar brukarnært og i turnus innanfor helse og omsorg, jobbar deltid.©NPK