Du kan bla til neste sideBla med piltastene

Ein for blodig serie for mange, men den svarte historia i USA er blodig.

Grotesk og god

MeldingGuri Kulås
«SUNDOWN TOWN»: Kva er nifsast: monster frå skrekklitteraturen, eller politisjefar frå Jim Crow-æraen? Onkel George (Courtney B. Vance), nevøen Atticus (Jonathan Majors) og Atticus’ barndomsven Letitia (Jurnee Smollett) møter dei begge i H.P. Lovecrafts gamle heimtrakter i Massachusetts. FOTO: HBO NORDIC.

Svarte amerikanar lever i ein skrekkfilm: Dei veit aldri når monstera kjem.

(Sesong 1, USA, 2020)

Serieskaparar: Misha Green og Jordan Peele, basert på Matt Ruffs roman

Med: Jonathan Majors, Jurnee Smollett, Courtney B. Vance, Michael Kenneth Williams, Aunjanue Ellis, Wunmi Mosaku, Abbey Lee

Lengde: 10 timelange episodar

Blir vist på: HBO Nordic frå 17. august

Årets mest tidsrette, populærkulturelle forteljing er lagt til USA midt på 1950-talet og følgjer Korea-krigsveteranen og science fiction-entusiasten Atticus Freeman (Jonathan Majors) på jakt etter ein forsvunnen far og ei mystisk familiearv. Både faren og familiehistoria blir lokalisert i det segregerte Massachusetts, i det eventyrlege landskapet der den djupt rasistiske skrekkforfattaren H.P Lovecraft levde og arbeidde tidleg på 1900-talet. «Lovecraft Countrys» eigen, eventyrlege bragd, er at jo lengre inn i Jim Crow-land serien fører oss, og jo djupare vi blir dregne ned i fortida til Freeman-slekta, jo meir present blir vår eiga samtidsrøynd.